Բանջարաբոստանային մշակաբույսերի գիտական կենտրոնի փորձարարական ջերմատանը ՄԱԶԾ «Կայուն համայնքներ» ծրագրի «Ջերմատուն» նախաձեռնության մասնակիցները երկու օր գործնական դասընթացի են մասնակցել։ «Ջերմատուն» ծրագիրը մեկնարկել էր Վայոց ձորի, Գեղարքունիքի և Սյունիքի մարզերում։ Դիմել են Կապան, Գորիս, Վայք, Արենի, Վարդենիս և Ճամբարակ համայնքների սահմանամերձ գյուղական բնակավայրերում բնակվող, ինչպես նաև տեղահանված և այժմ նշված համայնքների բնակավայրերում բնակվող անձիք։

Ծրագրին մասնակցելու հայտ էր ներկայացրել 167 անձ, որոնցից 160-ը մասնակցել էր առաջին փուլի տեսական դասընթացին։ Քննությունը հաջողությամբ հաղթահարեց 100 մասնակից։ Փորձագիտական խումբը այցելեց բոլոր 100 մասնակիցների բնակության վայրերն ու գնահատեց հողային պայմանները։ Ծրագրի երկրորդ փուլ անցավ 20 մասնակից, որոնք էլ արդեն մասնակցել են գործնական դասընթացի՝ Բանջարաբոստանային մշակաբույսերի գիտական կենտրոնի փորձարարական ջերմատանը։